- Oleh Tgk. Samuti Sp. Mesra
KABARDAILY.COM | CAE
Assalamualaikum aduen ngon adoe
Saleum ulon nyoe cit keu syedara
Beurangpat mantong droe neuh jinoe
Bak ulon nyoe saleum seujahtra
Na bacut haba lon neuk hareutoe
Mauled geutanyoe group IMAPURA
Ta sambong silaturrahmi le geutanyoe
Ta peusigo ngon mauled raya
Mangat teulaksana buet geutanyoe
Aduen ngon adoe keureuja sama
Mari ta bantu meubacut sapo
Bandum geutanyoe ubena kuasa
H’an meuceh le wahe e adoe
Yang peunteng tanyoe ikot seureuta
Nyo hana mudah nibak kali nyoe
Bek cit tuwo droe neuh teuka
Uroe mauled bak trep trep sigo
Sinan geutanyoe sambong syedara
Nyo jan laen dum geutanyoe
Sibuk keudroe ngon keureuja
Cok wate bacut nibak kali nyoe
Cit sithon sigo wahe syedara
Ta meukumpoi bandum geutanyoe
Aduen ngon adoe jeut ta poh cakra
Bukon le sayang tok tok beuragoe
Ka ji pasoe u dalam centra
Meunyo na salah haba ulon nyoe
Aduen ngon adoe meu’ah beuraya
Hana niet ulon lon jak peurunoe
Aduen ngon adoe dan syedara
Cuma bacut lon peusampoe
Acara geutanyoe nak teulaksana.
