- Oleh Tgk. Samuti Sp. Mesra
Budaya,kabardaily.com
Satu Muharram jinoe cit ka trok
Wahe Teungku ek ta maklum sama
Meunyo barokon le ta pubuet brok
Thon nyoe adoe ek ta ubah sigra
Tanyoe hijrah ta tinggai yang brok
Beuthat pih be ok bek le keurija
Meunyo bak chip barokon ta duek meutumpuk
Jinoe rakan ek ta balek cara
Bek le meu’en chip wahe adoe ek
Bek le ji peuanggok le cina tuha
Peu ta peukaya si awak budok
Tanyoe ji peubrok abeh hareuta
Meunyo barokon u meunasah h’an trok
Thon nyoe ta peutrok jama’ah beuna
Sembahyang wate beuawai be ok
Bek leuho rap trok ‘oh wate asa
Tok tok beuragoe sideh di cong jok
Aneuk meureubok di cong seulanga
Meumada ‘ohnoe haba lon be ok
Meu’ah adoeu ek meunyo na gasa.
