- Oleh Tgk. Samuti Sp. Mesra
KABARDAILY.COM | CAE
Assalamu’alaikum adoe aduen
Yahwa keumuen deungon Apa
Di pat mantong lon bri saleum
Droe neuh bandum ulon sapa
Jinoe ulon neuk peutroh kheun
Keu pemilu di keu mata
Pileh pemimpin tanyoe maklum
Tamse imum hai syedara
Pileh le tanyoe rakan bandum
Lage geu kheun le ulama
Seugoh ta pileh kalon ureung
Yang peureumeun keu agama
Ureung carong ka ta maklum
Rapat bandum bak lomboi Sa
Salah ta pileh wahe aduen
Limong thon dum geutanyoe jra
Lage yang ka, ka ta maklum
Pakri ban nyum hai syedara
Saket mangat ka ta tunyum
Bek le aduen tanyoe rasa
Ubah jinoe yang laen nyum
Murah senyum meuagama
Ureung taat jeulaih bandum
Asal usul meupat punca
Anies Muhaimin cit ta maklum
Ka sapeu kheun ngon ulama
Nyo han ta pateh ulama kheun
Singoh aduen teulah raya
Neuci cep2 deungon peunyum
Yang ulon kheun peukeuh beuna
Meunyo salah lage lon kheun
Meu’ah aduen keumuen Apa.
