Oleh : Tgk Samuti
CA’E ACEH—
Saboh macam teuk patok geupeugah
Dijih that gagah badan jih raya
Ateuh rueng keubeu ji mita darah
Ban ka troe leumpah baro ji bungka
Wate jih katroe ji po le bagah
Laju ji minah ho laen teuma
Keubeue yang theun kap ka apoh apah
Hana pat peugah gatai jih raya
Laen lom macam pacat ngon lintah
Gli teuh meuleumpah nyo ji ek bak pha
Na yang geu plueng2 dalam blang luah
Ji kap le lintah teungoh seumula
Na bako bacut lintah meutuah
Ban ka troe darah han le ji gisa
Meunan cit pacat nyo ka troe darah
Di jih rhet bagah han meuho rimba
Yang cukop paloe adoe meutuah
Lintah yang gagah dalam lnova
Nyan lintah darat meunan gop peugah
‘Oh ji p’iep darah han jeut ta kira
Sagai han troe-troe lintah meutuah
Beuthat hai ayah di jih ka kaya
Meunyo ta kalon ji sok baje jaih
Di tijik ngon taih boh kaca mata
Nyo lintah lam blang tok ji p’iep darah
Lintah baje jaih dumpeu ji seuba
Meunyo ji ngieng gop na bacut mudah
Jok aneuk buah yue jak pareksa
Lake bagian bah pih hana sah
Lage jih peugah han jeut ta dawa
Sang2 jih sabe yang mat peurintah
Baro jih teulah wate ka tuha
Wate hana le jih mat peurintah
Kupi saboh glah han Soe peutaba
Meu untong raya meunyo cit bebaih
Kadang cit payah tamong penjara
‘Oh tamong lam glap meubaro teulah
Ji tobat bagah wahe syedara
Meunyo baroekon cukop that gagah
Lam moto mewah ji top ngon kaca
……… Bersambung.
